ராயல் சல்யூட் சார் திரு. சகாயம் I.A.S ., இந்திய ஆட்சி பணி

நேதாஜியும், காந்திஜியும்
நேரில் காணக் கிடைக்கவில்லை!

பகத்சிங்கும், கட்டபொம்மனும்
பார்த்தறிய வாய்க்கவில்லை!

வரலாற்றில் படித்ததும்
வாய்வழியாய்க் கேட்டதும்
உண்மையானது உன்னால்!

நீதிக்கும் நேர்மைக்கும் பொருள்
தந்த எங்கள் நாயகனே!

உண்மையே உனக்குப் பின்னால்!!
ஐ.ஏ.எஸ். படித்தவர்கள்
அரசியல்வாதிகளின் கைப்பாவை
எனும் கூற்று பொய்யானது!

ஆளுமை இருந்தால் அவர்களை
ஆட்டுவிக்கலாம் எனும் கூற்று
உம்மால் மெய்யானது!!

நேர்மைக்கு இலக்கணம் என
நெஞ்சம் சொல்லவில்லை!

நேர்மையே உன்னைப் பார்த்து
நடுங்கிப் போயிருக்கிறது!!

படம் நடிக்காமலும்,
பஞ்ச் டயலாக் பேசாமலும்
பின்னால் வரக்காத்திருக்கிறது
பெருங்கூட்டம்!

மேடை போடாமலும், பிரியாணி
பொட்டலம் வாங்காமலும்
கோஷம் போடக்காத்திருக்கிறது
ஒரு கூட்டம்!

உச்சிமீது வானிடிந்து
வீழுகின்ற போதிலும்
அச்சமில்லை! அச்சமில்லை!!
அச்சமென்பதில்லையே!!!
வாசித்துச்சென்றான் பாரதி!

நீரோ ஆளும் வர்க்கத்தை
எதிர்த்து நின்று
வாழ்ந்தே காட்டிவிட்டீர்!!

தம் மக்களுக்காய் பொருள்
சேர்க்கும் அதிகாரிகள் மத்தியில்!

எம் மக்களுக்காய் போராட
புறப்பட்டீரோ!!

பெரியாரின் வெங்காயம்
பகுத்தறிவை விதைத்து!

"சகாயம்" எனும் சொல் இங்கே
சாமான்யனைப் புடைத்தது!!

கலாம் கண்ட கனவு இந்தியா
நாளை உம்மால் மலரட்டும்!

இளைஞர் சமுதாய இரவும்
நாளை உம்மால் புலரட்டும்!!
--------------------------------------------------
மேன்மை தாங்கிய திரு. சகாயம் I AS அவர்களுக்குவாழ்த்துகளுடன்

-நம் எண்ணங்கள் குழு . ..